ސުޕްރީމް ކޯޓުގެ ނިންމުމާ ދެކޮޅުހަދައި، ޑީއާރުޕީ މެންބަރުން މަޖިލީހުގެ ޖަލްސާ ހުއްޓުވާލައިފި.

ރައްޔިތުންގެ މަޖިލީހުގެ މިއަދުގެ ޖަލްސާ ޑީއާރުޕީ މެންބަރުން ޖަލްސާ ހުއްޓުވާލީ ޖަލްސާ ކުރިއަށް ގެންދިއުމަށް ހުރަސްއަޅާ އަޑުގަދަކޮށް މޭޒުމަތީގައި ތަޅާ ހެދުމުގެ ސަބަބުން ޑީއާރުޕީ އަށް ނިސްބަތްވާ ރައްޔިތުންގެ މަޖިލީހުގެ ރައީސް ޢަބްދުﷲ ޝާހިދުއަށް މަޖިލީހުގެ ޤަވާއިދުއާއި އެއްގޮތަށް ޢަމަލު ނުކުރެވިގެންނެވެ. މަޖިލީހުގެ ހާލަތު އެހާހިސާބަށް ދިޔައިރުވެސް މަޖިލީހުގެ ޤަވާއިދުގައި ޢަމަލުކުރަން ބަޔާންކޮށްފައިވާ ގޮތަށް މެންބަރުންގެ ޢަމަލުތައް ބަހައްޓަމުން ނުގެންދިއުމުން އަޅަން ޖެހޭ ފިޔަވަޅު މަޖިލީހުގެ ރައީސަށް ނޭޅުނީ ފަހަރެއްގައި އެއް ޕާޓީގެ ބޭފުޅުން ކަމަށްވީމަ ކަމުގައި ވެދާނެއެވެ.

މިކަމާ ބެހޭގޮތުން ތިމަރަފުށީ ދާއިރާގެ މެންބަރު މުހައްމަދު މުސްތަފާ ވިދާޅުވީ މީ މަޖިލީހުގެ ރައީސް ޑީއާރުޕީ ޕީޖީ ބައްދަލުވުމުގައި ޝާހިދުގެ ލަފާގެމަތިން ރާއްޖޭގެ އަދުލުއިންސާފަށް ޖެހި ގޮންޖެހުމެއްކަމުގައި ހަމަކޮށް އެކަން ވަރަށްބޮޑަށް ކުއްވެރިކުރާ ކަމުގައި މުސްތަފާ ހާމަކުރިއެވެ.

މިކަަމާ ގުޅިގެން މާފަންނު ދެކުނުދާއިރާގެ މެންބަރު ޢަބްދުއްރަޙީމް ޢަބްދުﷲ ވިދާޅުވީ ދިވެހިރާއްޖޭގެ އަދުލްއިންޞާފުގެ އެންމެމަތީ ކޯޓް ސުޕްރީމްކޯޓުން ނިންމާ ނިންމުމަށް ރައްޔިތުންގެ މަޖިލީހުގެ މެންބަރުން އިޙްތިރާމް ނުކުރެވި ބަލައި ނުގަނެވޭނަމަ، މަޖިލީހުގެމެންބަރުންެގެ ޒިންމާ އަދާކުރެވޭ ކަމާމެދު ވަރަށް ބޮޑަށް ހިތާމަކުރައްވާކަމަށެވެ.
މަޖިލީހުގެ ރައީސް ޢަބްދުﷲ ޝާޙިދު ވިދާޅުވީ ތިމަންނަ މިއަދުގެ ޖަލްސާގަ މިނިންމާލީ ޤާނޫނުއަސާސީއަށް އިޙްތިރާމްކުރުމުގެ ގޮތުން ނިންމި ނިންމުމެއްކަމަށެވެ.

މަޖިލީހުގެ ޖަލްސާތައް ހުއްޓުވާބަޔަކީ އެމްޑީޕީ މީހުން ކަމުގައި ބުނަމުންދާއިރު ޑީއާރުޕީ އަކީވެސް މިކަމުގައި ވަކިތަފާތެއް ނެތް ބައެއްކަން މިއަދު މިދަނީ ހާމަވަމުންނެވެ. ކޮންމެ ގޮތަކަށް ކޮންމެ ބަޔަކު ހުއްޓުވިނަމަވެސް މަޖިލިސް ޖަލްސާ ހުއްޓުވާނަމަ، ރައްޔިތުންނާ ގުޅުންހުރި ޤާނޫނުތައް ހެދުން ދާނީ ހަމަ ލަސްވަމުންކަން ޔަޤީނެވެ.