ދިވެހިބަސް ހިމާޔަތް ކުރުމަށް ޤާނޫނެއް ބޭނުންވަނީ އެބަސް ރައްކާތެރިކުރުމަށްބާ؟ ނޫނީ އެބަސް ކުރިއަރުވާ މުއްސަނދިކުރުމަށްބާ؟

ޒަމާނުންސުރެ ދިވެހިން ބޭނުންކުރަމުން އަންނަ ދިވެހިބަހަކީ ދިވެހިންގެ ހުރިހާކަމެއްގައި ބޭނުންކުރަމުން ގެންދިޔަ ބަސްކަމަށްވީއިރު، އެބަހުގެ ކުރިއެރުމާއި އެބަހުގެ އިބާރާތްތަކުގެ ފަށުވިކަމާއި، އެބަހާއެކު ދިވެހިން ބޮޑުވެ، ދިވެހިންގެ ދިވެހިބަހާނުލައި ދިވެހިން ދިވެއްސަކަށް ވެސް ނުވާނެ ދަރަޖައަށް މިއަދު ދިވެހިބަސް މިވަނީ ދިވެހިންގެ ލެޔާގުޅި ލާމެހިފައެވެ
ދިވެހިންގެ ދިވެހިބަސް މުއްސަނދި ކުރެވޭނީ އެބަސް މިނިވަންކަންމަތީ އޮތުމުގެ ބަދަލުގައި އެބަސް ހިމާޔަތްކޮށް ރައްކާތެރިކަމުގައި ބޭއްވުމުން ކަމުގައި ވާނަމަ ޤާނޫނަކުން ހިމާޔަތްކޮށް ރައްކާތެރިކުރުމުގެ ނަމުގައި ހެދޭ ޤާނޫނެއްގައި ދިވެހިބަސް ކުރިއަރުވަން މަސައްކަތް ކުރާނެ ގޮތްތަކެއްވެސް އެބިލުގައި ހިމެނިފައިވާން ވާނެއެވެ އެހެންނޫންނަމަ ވެގެންދާނީ ދިވެހި ބަސް ޤާނޫނަކުން ހައްޔަރުކުރެވުނީކަމުގައިވެދާނެއެވެ

ދިވެހިންގެ ރީތިއާދަކާދަޔާއި ދިވެހިންގެ ރީތި ސަގާފަތާއި، ދިވެހިންގެ ދިވެހިބަސް ރާއްޖޭގެ ތަފާތު ސަރަހައްދު ތަކުގައި ބޭނުންކުރަމުންދާ ތަފާތު ބަހުރުވައިގައި ދިވެހިބަސް އޮތުމަކީ ނުވަތަ އިތުރު ބަހުރުވަތައް އިތުރުވާނެ ގޮތްތަކަކަށް ދިވެހިބަސް ބޭނުންކުރެވޭނެ ގޮތަށް ހަމަޖެހިގެން ދިއުން މުހިންމު ކަން މެނބަރުންގެ ވާހަކައިގައި ވަނީ އަލިއަޅުވާލާފައި
ބިލުހުށަހެޅި މެންބަރު މާވަށު ދާއިރާގެ މެންބަރު ޢަބްދުލް ޢަޒީޒު ޖަމާލު ޢަބޫބަކުރު ވަނީ މިބިލު ތައްޔާރުކުރުމަށްޓަކައި ވަރަށް ގިނަގުނަ މަސައްކަތްތްކެއް ކޮށްފައިކަން ފާހަގަކުރިއެވެ

އަދި މިބިލުގެ ސަބަބުން ދިވެހިބަހަށް ޤާނޫނީ ރައްކާތެރިކަން ލިބިގެންދާނެކަމަށް އުންމީދުކުރާވާހަކަ ވަނީ ފާހަގަކުރައްވާފައެވެ