އެމްޑީޕީ ގެ ތެރޭގައިހުރި ނޭދެވޭ ކަންކަމާމެދު ފާޑުކިއުމަކީ މައްސަލައެއް ހެއްޔެވެ.

އަޅުގަނޑަށް ފެންނަ ޚިޔާލު އަޅުގަނޑުގެ ދުލާއި ގަލަމުން ލިޔުމުގެ ފުރިހަމަ މިނިވަންކަން ޤާނޫނު އަސާސީގެ 27 ވަނަ މާއްދާއިން ލިބިދޭހިނދު އެހައްޤު ކޮންމެ ރައްޔިތަކަށްމެ އޮންނަފަދައިން އަޅުގަނޑަށް ވެސް އޮންނާނެކަން ޔަޤީނެވެ

ފާޑު ކިޔަނީ ކިޔަން ޖެހުނީމަކަން ވެސް ޤަބޫލުކުރަން ޖެހެއެވެ ސިޔާސީ ޕާޓީވެސް ސިޔާސީ ބޭފުޅުންވެސް ސިޔާސަވާ ކޮނެމެ ފަހަރަކު ހިތުހުރިގޮތަކަށް ހިތަށް އެރިހާއެއްޗެއް ޤައުމުގެ ދުސްތޫރީ ނިޒާމާ ޤާނޫނުއަސާސީ އިން ލިބިދޭ ހައްޤުތަކާއި މިނިވަންކަމާއި، ހިމާޔަތަށް އިހްތިރާމް ނުކޮށް ދުލުން ބޭރުކޮށްލުމަކީ މިއަދުގެ ސިޔާސީ ހަޤީގަތެއްކަން ޤަބޫލުފުޅު ކުރައްވާށެވެ.

ތިމާ ގެ ދަރިފުޅު އަބަދުވެސް ތިމާއަށް ދޮނފުތުވާނޭ ބުނާފަދައިން ތިމާ ހުންނަ ޕާޓީ ގެ މައްސަލަތައް ވެސް ތިމާފޮރުވައިގެން ހުންނަން ޖެހޭކަމަށް ބަޔަކު ޤަބޫލުކޮށްފާނެއެވެ. އެހެނަސް އެއީ ނާތަހުޒީބު ކަމަކަށް މެނުވީ ނުވާނެއެވެ އެކަންކަން މާޒީގައި ދިވެހިން ވަނީ މިއަދަށްވުރެ ހިތިކޮށް ދެކިފައި ނޫންހެއްޔެވެ. އެހެނަސް އެދުވަސް މިހާރު މާޒީވެ ހިނގައްޖެކަން ޔަޤީނެވެ

އަޅުގަނޑު ގެ ސިޔާސީ ފިކުރު ރީނދޫ ވެފައި ހުރުމަކީ އަޅުގނަޑުގެ ޤައުމުގެ ފިކުރާމެދު އަޅުގަނޑު ކުޑާކޮންވެސް ވިސްނާލަން ނުޖެހުމެއްނޫންދޯއެވެ އަދި އަޅުގަނޑަށް ފެންނަ ޚިޔާލު ސީދާ ގޮތުން ފާޅުކުރުމަކީ ވެސް އަޅުގަނޑުގެ ސިޔާސީ ފިކުރުގެ ރީނދޫ ކުލައިން ސިޔާސީ އެހެން ކުލައަކަށް ބަދަލުވުމަކަށް ފާޅުކުރާ ޚިޔާލެއްކަމަށް ބަޔަކު ނިންމާ ނިންމުމަކީ އަޅުގަނޑު އެބަޔަކަށް ނަފުރަތުކުރާނެ ކަމެއްނޫނެވެ އެހެނަސް އަޅުގަނޑު ޤަބޫލުކުރާ ޤަބޫލުކުރުންތައް ފަހަނައަޅާ ޤައުމާ ރައްޔިތުންގެ މިނިވަންކަން ގެއްލޭނަމަ، އެހާލަތާމެދު އަޅުގަނޑަށްވެސް ވިސްނަން ހާލަތު މަޖުބޫރުކުރުވާނެކަމީ އިންސާނީ ފިތުރަތުކަން ޤަބޫލުކުރައްވާށެވެ

ޤައުމުގެ ކަންކަން ކުރިއަށް ގެންދިއުމުގައި ރައީސުލްޖުމްޙޫރިއްޔާގެ ވިސްނުންފުޅު ގެންދަވަނީ ޕާޓީއަށް ނިސްބަތްވާ މަޖިލީހުގެ މެންބަރުންނާ ސިދާ ހިއްޞާ ކުރައްވަމުންނެވެ އެފަދަ ހާލަތުގައިވެސް އެކަމަކާމެދު ފެންނަގޮތް ސީދާ ދެންނެވުމުގެ ފުރުޞަތު އޮވެއެވެ އެފަދަ ފުރުޞަތު ތަކުގައި ދަންނަވަން ޖެހޭ ދެންނެވުންތައް އެމަނިކުފާނުގެ ޚިޔާލުފުޅާ ދެކޮޅަށްވެސް މެންބަރުން ގެންދަވަނީ ފާޅުކުރައްވަމުންނެވެ އެހެންނަމަވެސް ހުރިހާ ފަހަރު މެންބަރުން ގެ ޚިޔާލާ އެއްގޮތަށް ރައީސް އެކަން ކުރައްވަން ޖެހޭނެކަމަށް ޤަބޫލުކުރުމަކީ ވެސް ހަމަޖެހޭ ކަމަކަށް ނުވެދާނެއެވެ. ތިންބާރު ވަކިކޮށްފައިވާ ރިޔާސީ ނިޒާމު ނޫންތޯއެވެ ކޮންމެ ބާރަކުން ކުރާ ކޮންމެ ކަމެއް އަނެއްބާރުގެ ލަފާގެ މަތީން ކުރައްވާކަށް ވެސް ނުޖެހޭނެނޫންތޯއެވެ. ޚިޔާލަކީ ތަފާތުއެއްޗެކެވެ މިޚިޔާލަކީ ތިބޭފުޅުން ޤަބޫލުފުޅުކުރައްވާ ޚިޔާލަކަށް ކޮންމެހެން ވާކަށް ވެސް ނުޖެހޭނެ ނޫންތޯއެވެ އެހެނަސް ޝައްކުގެ ނަޒަރުން ނުބައްލަވާށެވެ މިއީވެސް ހަމަ މިޤައުމުގެ ދަރީންނެވެ.