ސިޔާސީ ލީޑަރުންގެ ދެކޮޅުނުޖެހޭ ވާހަކަތަކުން އިބުރަތް ލިބިގަންނަމާތޯއެވެ

ކޮންމެ ޕާޓީ އަކުން ވެސް އެޕާޓީ ގެ ލީޑަރުން އެދައްކަވާ ވާހަކަތަކެއްގެ އެއްވެސް ބުރަދަނެއް އަދި އެވާހަކަތަކާ އެއްގޮތަށް ޢަމަލެއްވެސް ނުކުރައްވާނެއެވެ ފަހަރުގައި ހުސްއަނގަ ތަޅަނީކަމުގައި ނޫނީ ނުވާނެއެވެ

ކޮންމެ ކަމެއްވާއިރަށް ދެން އެންމެ އަވަހަށް އިވިގެންދާނީ ޤައުމުގައި އޮތް މާތްވެގެންވާ އިސްލާމް ދީން ނެތިދާން އުޅޭވާހަަކައެވެ ނުވަތަ ބުދުފައްޅިއަޅަން އުޅޭވާހަކައާއި ޤައުމު ފަނާވަމުންދާ ވާހަކައެވެ މިފަދަ ބިރުވެރި ވާހަކަތަައް އެއްވެސް ހަޤީޤަތެއްގެ މައްޗަށް ބުރަވެހުރެގެން މެނުވީ އެކަކުވެސް ރައްޔިތުންގެ ހިތްތަކުގައި ބިރުވެރިކަން އުފެދިދާނެ ގޮތަކަށް ދައްކާ ހެދުމަކީ ރަނގަޅުކަމަކަށް ނުވާނެނޫންތޯއެވެ

ދެން އެންމެ ގިނައިން އަޑުއިވޭނީ އިޖުތިމާޢީ ފޭރާން ނެތި ދާވާހަކައެވެ އެހެނެއްކަމަކު އެ ފޭރާން ރަނގަޅު ކުރުމަކަށް ކުރާ އެއްކަމެއްވެސް ފެނިގެނެއް ނުދެއެވެ އެހެނަސް އިޖުތިމާއީ ފޭރާން މަތިން ސިޔާސީ ލީޑަރުން ޕޯޑިއަމްތަކުގެ ކުރިމައްޗަށް ހުއްޓި ތިބޭއިރު ވައްތަރު ވައްތަރުގެ އަޑުލެއްވުމާއި މަލާމާތާއި ފުރައްސާރަކުރުމާއި ފާޑުފާޑުގެ ނަންނަމުން އެކިފަރާތް ތަަކާ މުހާތަބުކުރާއިރު އެފަދަ ޖަލްސާތައް ގޭގޭގެ ސިޓިންގ ރޫމްތަކަށް ހުންނާނީ ލައިވްކޮންނޫންތޯއެވެ

ތިންހާސް މީހުން ހަމަނުވާ ޕާޓީއެއްގެ ލީޑަރެކެވެ ވެރިކަމަށް 2013 ގައި ކުރިމަތިލައްވާނެކަން ވަނީ އިއުލާން ކުރައްވާފައެވެ އިގުތިސާދީ މާހިރެކޭ ބުނެއުޅެއެވެ އިދިކޮޅު އެންމެ ބޮޑުޕާޓީގެ ޕޯޑިއަމް ކުރުމަތީގައި ހުރެފައި އަންހެން އަޑުފުޅުން މަލާމާތް ކުރައްވާ ވާހަކަފުޅު ދައްކަވައިފިއެވެ ފަހުން އެކަން ކުރެވުނީތީ ލަދުފުޅުން އުޅުއްވާހެންވެސް ހީވެއެވެ ނަމަވެސް ކަންވެ ނިމިއްޖެއެހެންނޫންތޯއެވެ

ޕާޓީއެއްގެ ލީޑަރެކެވެ 30 އަހަރުގެ ވެރިކަމުގެ އަނިޔާވެރިވާހަކަ ތަކާއި ތިމާއަށް ލިބިފައިވާ އަނިޔާއާއި މަރާލަން އުޅުނުކަމުގެ ތުހުމަތާއި، މުޅި މިލްކިއްޔާތު އަތުލުމަށް އުޅުނުކމަުގެ ވާހަކައަކީ ހަޤީގަތެއް އޮތް ކަމަކަށް ވެދާނެއެވެ އޭރު ވަރަށް އަސަރާއެކު އެވާޙަކަތައް މުޅި މުޖުތަމަޢުގައި އެއްއަޑަކުން ގުގުމާލަ ގުގުމާލާ ވަރަށް ވިދާޅުވަމުން ގެންދިވެއެވެ ވަރަށް އަނިޔާވެރިކަމުގައި ބުނަމުން ދިޔައެވެ ވެރިކަން ބަދަލުކުރުމުގައި އިސްދައުރެއް އަދާކުރެއްވިނަމަވެސް ދާދިފަހުން ވިދާޅުވީ 30 އަހަރުގެ ވެރިކަން މާއޯގާތެރިވެފައި މިއަދު މާއަނިޔާވެރިކަމަށާއި، ވެރިކަން ބަދަލުކުރައްވަން އުޅެވުނީތީ އެކަމާ ލަދުވެތިވެ ރައްޔިތުން ގެ ކިބައިން މަޢާފަށް އެދިލައްވާކަމަށެވެ މިވީ ގޮތެއްވެސް ނޭންގެއެވެ މިވެސް ހިނގާފައި ހުރިކަންތަކެވެ ސިޔާސީ ލީޑަރުންނެވެ

ދެންވެސް ތިންހާސް މީހުން ހަމަނުވާ ޕާޓީއެއްގެ ލީޑަރެކެވެ ކުރީގެ ސަރުކާރުގައި ތިންބެއިން ހެދިގެން އުޅުއްވާ ތިންބެއިން އެކުގައި ނިކުމެ އާދިވެހިރާއްޖެއެއްގެ ނަމުގައި މަސައްކަތް ކުރަންފެށިތަން ފެނުނެވެ 30 އަހަރުގެ ވެރިކަން ގޯސްކަމުން ނިކުތީކަމުގައި ބުންޏެވެ ރައްޔިތުންގެ ގާތަށް ވެރިކަމަށް އެދި ދިޔާމަ އެކަން ރައްޔިތުން ބަލައެއް ނުގަތެވެ އެކުގައި މަސައްކަތް ކޮށް 30 އަހަރު ބަދަލުކޮށްލަދީފައި ލަފާއަރުވާ ބޭފުޅަކަށް ކުޑަ ދުވަސްކޮޅަކު އުޅެފައި ދެން ކިޔަންފެށި ލަވަޔަކީ އޭރަށްވުރެ ގޯސްވާހަަކައެވެ މިވީ ކިހިނެއްތޯއެވެ ސިޔާސީ ލީޑަރުންނަށް މިވިސްނެނީ ހަމަ އެކަމެއް އަހިސް ތިމާގެ މުށުތެރެއަށް ނުވަނީމާ އެއީ ގޯސްކަމަށް ފެންނަތަނެވެ ކުރިޔާލާ ނޭންގެންވީ ކީއްވެބާވައެވެ. ބަދަލު ގެނާއިރު އެކަން ނޭންގުނީބާވައެވެ މިހާރު 30 އަހަރުގެ ވެރިކަން ވެސް ރަނގަޅެވެ.

ކުޑައިރުކޮޅަކަށް ހަމަޖެހިލާފައި ވިސްނާލަމާ ހިނގާށެވެ. ތަފާތު ޕާޓީ ތަކެއް ދޮގެއްތޯއެވެ؟ ތަފާތު ލީޑަރުން އެހެން ނޫންތޯއެވެ؟ ވަރަށް ވަރުގަދަ ލީޑަރުން އެހެންނޫންތޯއެވެ؟ މި ހުރިހާ ލީޑަރުންގެ ވެސް ފެށުން އައިސްފައިވަނީ 30 އަހަރުގެ ވެރިކަމުގެ ޚާންދާނުގެ ތެރެއިން ކަމަށް ޤަބޫލުކުރަންޖެހެއެވެ އަދި ފެންނަންއޮތް ހަޤީގަތަކީ އެއްބޭފުޅަކީ ތުއްތޮންބެގެ ކޮއްކޯފުޅުކަމެވެ ދެންތިއްބެވި ލީޑަރުންނަކީ 30 އަހަރުގެ ވެރިކަމުގެ ވެރިޔާގެ ސިޔާސީ ޕާޓީގެ ހުސް ނާއިބުލީޑަރުންގެ ގޮތުގައި އުޅުއްވި ބޭފުޅުންނެވެ

މުސްކުޅިން ބުނެއުޅެއެވެ ޖެހިވަޅަށް ޖަހާނެވާހަކަ މިއަދު މިފެންނަނީ އަނެއްކާވެސް ހުރިހާ ނާއިބުލީޑަރުން ބޭރުފުށުން ތަފާތުޕާޓީ ތަކުގެ ލީޑަރުންގެ ނަމުގައި ތިއްބެވިއެއްކަމަކު އެއްޕުލެޓްފޯމެއްގައި އެއްޚިޔާލެއްގައި އެކައްޗެއް ކިޔަމުން އެހެނަސް ވެރިކަމަށް އެރުމަށް ތަފާތުމަގުން ހިނގިއެއްކަމަކު އެކަކުގެ ގޮތުގައި އުޅުއްވަމުން ދާތަންނޫނބާވައެވެ. ޚިޔާަލަކީ ތަފާތު އެއްޗެކެވެ މިއީ އަޅުގަނޑުގެ ޚިޔާލެވެ.ތިޔަބޭފުޅުން ދެކޭ ގޮަތް ތަފާތުވާންވެސް ޖެހޭނެނޫންތޯއެވެ.