You are visitor No. :

urImws !OtWmwdwh iawgumwk cnIrwd cnwfua eguLotwa .ah ,iawkwTcSwmureairuk eguLotwa Ikwncnurwbcnem Wruk ubWhitcnia cSwhIlijwm egcnutiycawr cnukwtcnOz .ah

ސަރުކާރުން ރ.ކ.އ ކޮމޓީތައް އުވާލުމާއި ގުޅިގެން އިދިކޮޅު ފަރާތްތަކުން ދައްކަމުންދާ ދެކޮޅުނުޖެހޭ ވާހަތަކާމެދު ރައްޔިތުން ސަމާލުވާންޖެހެއެވެ

ރ.ކ.އ ކޮމެޓީތައް އުވާލުމާއި ގުޅިގެން ދައްކަމުންދާ ވާހަކަތަކާމެދު ވިސްނާލާއިރު އެވާހަކަތައް ފުރަތަމަ ދައްކަން ފަށާފައިވަނީ ކުރީގެ ސަރުކާރުގައި އެޒިންމާ ނަންގަވަން އެންމެ އިސްކޮން ތިއްބެވި ބޭފުޅުން ނޫންތޯއެވެ.؟ އެބޭފުޅުންގެ ހަޤީޤީ ޒިންމާއާމެދު އިހުމާލުވެފައި މިއަދު ކަމުގެ ހަޤީޤަތް އޮޅޭގޮތަށް ވާހަކަ ދައްކަމުން ގެންދިއުމަކީ ތިމާމެންގެ ވަޒީފާގެ މަސްޢޫލިއްޔަތާއި، ޒިންމާ ފުރިހަމައަށް އަދާނުކުރުމުގެ ދެރަ ނަތީޖާނޫންތޯއެވެ؟
އެންމެ ފުރަތަމަ ކަމަކަށް ބަލާލަމާ ހިންގަވާ ރ.ކ.އ ކޮމެޓީތައް އުފެދިގެން އަހިސްފައިވާގޮތާމެދު؟ އެކަމަށް ޤަވާއިދު ހެދީ ކޮންފަރާތކުންތޯއެވެ.؟ އޭރުގެ މިނިސްޓްރީ އޮފް އެޓޮލްސް އެޑްމިނިސްޓްރޭޝަނުންނެވެ. އިންތިހާބުގެ ވޯޓު ކަރުދާސްތައް ޗާޕްކޮށް އެކަން ބަލަހައްޓަމުން ގެންދިޔައީ ކޮންފަރާތްކުންތޯއެވެ.؟ އޭރުގެ އެޓޮލްސް މިނިސްޓަރީންނެވެ.؟ އިންތިހާބު ބޭއްވީ ކޮންބައެއްގެ ބެލުމުގެ ދަށުންތޯއެވެ؟ އޭރުގެ އެޓޮލްސް މިނިސްޓްރީގެ ބެލުމުގެ ދަށުން ރަށްތަށުގެ ކަތީބުންގެ ބެލުމުގެ ދަށުންނެވެ؟ އިންތިހާބުގައި ދިމާވި މައްސަލަތައް ބެލީ ކޮންފަރާތަކުންތޯއެވެ؟ އޭރުގެ މިނިސްޓްރީ އޮފް އެޓޮލުސް އެޑްމިނިސްޓރޭޝަނުންނެވެ. އަދި އެމައްސަލަތަކަށް މިހާތަނަށް ވެސް ޖަވާބު ދެވިފައިވޭތޯއެވެ؟ ނޫނެކެވެ.
ދެންބަލާލަމާތޯ ޤާނޫނުއަސާސީ އިސްލާހުކުރުމަށް ފަހު ތަސްދީޤް ކުރުމާއެކު ޤާނޫނުއަސާސީގެ 271 ވަނަ މާއްދާގެ ދަށުން ޤާނޫނަކުން ބާރުނުލިބި ހެދިފައިވާ ޤަވާއިދުތަކަށް ޤާނޫނީ ބާރުނުދީފިނަމަ، އެޤަވާއިދުތަކުގެ ސައްޙަކަން ގެއްލިގެން ހިނގާދާނެތީވެ، އަދި ކޮންމެ ޤަވާއިދަކަށް ވަކިވަކި ޤާނޫނެއް ކުއްލިއކަށް ނުހެދޭނެތީވެ، ގަނޑުކޮން އެއްޤާނޫނަކުން ބާރު ތައް ދީ އެޤަވާއިދުތަކަށް ޤާނޫނީ ބާރުދިންއިރު ރ.ކ.އ ކޮމެޓީތައް އިންތިހާބުކޮށް ހިންގުމުގެ ޤަވައިދަށް ޤާނޫނީ ބާރު ލިބިނުދިނީ ނުވަތަ އެޤަވައިދު ގަނޑުކޮން ޤާނޫނީ ބާރުދިން އިރު އެޤަވާއިދު ނުހިމެނީ ކަނޑައެޅިގެން އެޤަވާއިދުގެ ދަށުން ހިނަގާފައިވާ ކަންތައްތަކަކީ އެބޭފުޅުންނަށްވެސް އޭރުގައި ޤަބޫލުކުރަން ދަތިކަންކަން ކަމަށް ވުމުންކަމަށް ވެދާނެއެވެ. ނޫންނަމަ، އޭރުގައި ވާނުވާއެއް ނޭންގޭގޮތަށް އެގަހުކޭލެއް މިގަހުކޭލެއް ނޭންގޭގޮތަށް ހެދިފައިވަނީ ކިތައް ޤަވާއިދުކަން ވެސް އެނގޭނޭ ގޮތެއްވެސް ނެތުމުން އެކަން އެގޮތަށް ދިމާވީ ކަމުގައިވެސް ވެދާނެއެވެ. އެހެންކަމަށް ވިޔަސް އެނގޭ ހަޤީގަތަކީ މިޤަވާއިދު އަށް ޤާނޫނަކަުން ބާރު ނުދިނުމުގެ ޒިންމާ އާއި އިޙުމާލުވީ ފަރާތެއް ހުންނާނެކަމެވެ. އެމީހުން މިއަދު އެހެން ލަވައެއްކިޔައި، އެހެން ގޮތަކަށް ނެށިޔެއް ކަމަކު އިހުމާލަށް ފުރިހަމަޔަށް ޒިންމާ ވާންޖެހޭނެއެވެ. މަސްލަހަތު ފުށޫއަރާ ގޮތަށް ޝަރީއަތަށް މައްސަލަ ހުށަހެޅިދާނެތޯވެސް ސުވާލުއުފެދޭނޫންހެއްޔެވެ. އޭރުގެ އެޓާރނީ ޖެނެރަލް އޮފީހާއިި އޭރުގެ ލީގަލް ރިފޯމް މިނިސްޓްރީގެ ފުރިހަމަ ޒިންމާ އަކަށް ވާއިރު އެބޭފުޅުން މިއަދު އެހެން ގޮތަކަށް އެވާހަކަތައް ދެއްކުމަކީ ވެސް ހަމަޖެހޭ ކަމެއްތޯ ސުވާލެއް ނޫފެދޭތޯއެވެ؟
ޤާނޫނުއަސާސީގެ 230 ވަނަ މާއްދާގެ ގައި ބަޔާންކުރާ ރަށުކައުންސިލް ތަކާއި އަތޮޅު ކައުންސިލްތައް އިންތިހާބުކުރަން ޖެހެނީ 231 ވަނަ މާއްދާގެ (ބ) ގައިވާ ގޮތުގެ މަތީން ސީދާ އިލެކްޝަންސް ކޮމިޝަންސްގެ ދަށުން ކަމަށް ވާއިރު ، އެއިންތިހާބު ޤާނޫނުއަސާސީގެ 298 ވަނަ މާއްދާގެ ދަށުން 1 ޖުލައި 2009 ވަނަ ދުވަހުގެ ނިޔަލަށް އިންތިހާބު ކުރަން ޖެހޭއިރު އެމުއްދަތު ވެސް ފަހަނައަޅާ ގޮސްފައިވާއިރު، ޤާނޫނަކުން ބާރުނުލިބި ހަމައެކަނި ޤަވާއިދެއްގެ ދަށުން ކަމާގުޅޭދާއިރާގެ މިނިސްޓްރީގެ ސީދާ ބެއްލެވުމުގެ ދަށުން އެމިނިސްޓްރީން ޗާޕްކުރި ވޯޓުކަރުދާސް ބޭނުންކޮށްގެން މިނިސްޓްރީގެ ބޭފުޅުން އިންތިހާބުގެ ހުރިހާ ކަމެއް ބަަލަހައްޓާ ކުރިއަށް ގެންދިޔަ އިންތިހާބަކުން ހޮވާފައިވާ ބަޔަކަށް ޤާނޫނުން އެއްވެސް ބާރެއް ނެތި ހެދިފައިވާ ޤަވާއިދެއްގެ ދަށުން ޤާނޫނީ ބާރު ނުދިނުމުން ދެން އެމަޤާމަށް އިންތިހާބުވި މީހުންނާއި ރ.ކ.އ ކޮމެޓީގެ އޮންނާނީ ކޮން ޤާނޫނީ ހައިސިއްޔަތެއްތޯއެވެ؟
ސިޔާސީ ބޭނުމަަކަށްޓަކައި ނިކުމެ ކޮންމެ ވާހަކައެއްވެސް ދެއްކިދާނެއެވެ. އެކަމަކު ތިމަމެންނަށް ހެދުނު ޅައެއްޗެއްގެ ސަބަބުން ޤާނޫނީ ގޮތުން އެއްވެސް ހައިސިއްޔަތެއް އެއްވެސް ބާރެއް ލިބިނުދޭ ކަމަކާމެދު ތިމާމެން ދެން އެކަން ރަނގަޅޭ ގޯހޭ ކިޔުމަކީ ހަމަނުޖެހޭ ތާކުންތާކު ނުޖެހޭ ހެއްވާކަމެއްނޫތޯއެވެ. ޒިންމާ ފުރިހަމައަށް އަދާ ނުކުރެވުނުބަޔަކު ދެންވެސް ރަނގަޅުވާނީ އެކަމަށް ރައްޔިތުންނާއި ރ.ކ.އ ކޮމެޓީތަކުގެ ކިބައިން މަޢާފަށް އެދި ކުރެވުނު ކަންތަކާމެދު ދެރަވެ ހިތާމަކޮށް އެފަދަކަމެއް ތިމަާމެންގެ ކިބައިން މުސްތަޤްބަލް ގައިވެސް ނުހިނގާނެ ގޮތެއްގެ މަތީން ޒިންމާދާރުވުމަށް އަޒުމް ކަނޑައެޅުމެވެ.

majlisa10@gmail.com